اسان اھو ٻڌائيندي سُرھائي محسوس ڪري رھيا آھيون تہ ”موکي
پبليڪيشن مورو ۽ ھالار پرنٽرز اينڊ پبلشرز دولتپور“ جي گڏيل ڪاوش سان اسان جي ساٿي
نوجوان ليکڪ، ڪھاڻيڪار ۽ سنڌيڪار سردار ٻرڙي پاران دنيا جي مڃيل ترقي پسند،
عورتواد ۽ مظلوم طبقن جي محسن ليکڪا ارون ڌتي راءِ (مئن بوڪر پرائيز ليکڪا) جي
مشھور ڪتابَ (Freedom, Fascism,
Fiction) Azadi جو سنڌي ترجمو ”آزادي:
فريڊم. فاشزم. فڪشن“ ڇپائيءَ جي آخري مرحلن ۾ آھي.
ھن وقت سنڌ کي دنيا جي جديد ادبي لاڙن، رجحان، سياسي ترقي پسند ۽ ادبي تحريڪ سان لاڳاپيل جديد اسڪولز آف ٿاٽ سان روشناس ڪرائڻ ۽ سنڌ ۾ جديد علمن، فڪرن، نظرين، ظالم ۽ مظلوم، محڪوم ۽ ملزم، آزاد ۽ غلام، سرمائيداري ۽ سماجوادي سلسلن جي جديد رُخن ۽ پرڏيھي پاڙيسري خطن جي زميني حقيقتن سان روشناس ڪرائڻ ۽ انھيءَ ڏَسَ ۾ سنڌي سماج کي پنھنجي مَن ۾ جَھاتِي پائڻ جي ھلچل پيدا ڪري ڪا جوڳي وِکَ کڻڻ جي ضرورت آھي، اھو پڻ ضروري آھي تہ سنڌي سماج عالمگير تحريڪن جي لَھَرن کي نظر ۾ رکندو ھجي.